Thursday, October 29, 2009

--------------------------------------------------------------------------------------------
Medical Care:
Muscle Fasciculation

Question: Edward , (South Korea) Oct.24, 2009

Dok ask ko lang tungkol sa nararamdaman ko sa left side ng stomach ko ( 3 inch from the navel ko). Kasi po nakakaramdam po ako ng panginginig o parang nag ba-vibrate siya, hindi naman po contineous ung pag shake ng part na yun. Wala naman po ako nararamdaman na sakit sa ngayon. Nag start po ito past 3 days na. Normal naman po pagkain ko at pag dumi ko sa ngayon, hindi naman po bumababa timbang ko. Sintomas po ba ito ng isang sakit? Ako po ay male, 32 years old. Thanks po. Good pm!

---------------

Answer:

Dear Edward,

Maraming salamat para sa mga detalye na isinama mo sa iyong tanong. Since wala kang napapansin na pagkakaiba sa iyong appetite, timbang, at pag-dumi, maaaring hindi naman ito sintomas ng sakit. Maaaring ito lamang ay tinatawag na muscle fasciculation o panginginig ng muscle sa abdominal wall. Dapat mawala lang yan ng kusa. Siguraduhin lamang na maayos ang pagkain at maraming kasamang prutas and gulay. Kung hindi mawala o may mapansin kang pangangayayat o pag-iba ng pagdumi, magpatingin ka na lang sa iyong doktor.

Maraming salamat.
Priscilla D. Sanchez, M.D.
Medical Coordinator
OFWParaSaPamilya

--------------------------------------------------------------------------------------------
Medical Care:
Kulani Sa Leeg at Tenga ng Baby

Question: Gina, (Japan) Oct.24, 2009


Message : Doc,
Hello po sa inyo. Ask ko lang po sa inyo kung anong tawag sa sakit na may kulani sa leeg at ilalim ng tenga. Kasi po ang baby ko po ay meron siya ganoon. Sana sagutin nyo po ang aking katanungan.

----------------

Answer:

Hello Gina!

Ang kulani sa leeg at sa likod ng tenga ay sign na may infection siya na pwedeng nanggagaling sa tenga, sa lalamunan, sa scalp, o pwede rin ito ay sign na mayroon siyang primary complex o tuberculosis. Kailangan pa-check up mo ang baby mo para makasiguro tayo kung saan galing ang infection, kung anong microbyo ang sanhi ng infection para magamot ng mabuti yan.

Salamat sa iyong tanong,
Ramon I. Diaz M.D.
Medical Coordinator
OFWParaSaPamilya

--------------------------------------------------------------------------------------------
Medical Care:
Detoxification

Question: Art, (Philippines) Oct. 20, 2009


Magandang hapon po sa inyo doc,may itatanung po ako sa inyo, ano po ba ang mga dapat kainin na pagkain at mga prutas kapag ang katawan mo ay may drugs.

-----------------

Answer:

Hi Art,

Una sa lahat ay ang pagtigil ng pag-inom ng alak at paggamit ng droga. Ang "detoxification" ang pinakamabilis na paraan para matanggal sa katawan ang droga. Depende din ito sa dami (dose), tagal ng paggamit at kung anong mga droga ang ginamit.

Ang pag-inom ng maraming tubig o fruit juices ay nakakatulong. Mataas na dose ng vitamin C ay iniinom din. Prutas na mayaman sa vitamin C, orange, guava, kamatis, Carbohydrates- tulad ng tinapay at kanin para sa pag-inom ng alak. Ang activated charcoal ay pinapainom din kung bagong gamit pa lamang. Ang "exercise" ay nakakatulong din bukod sa matagalang pakinabang.

Ang layunin ay mabilisang paglinis o "flushing out". Ginagamit din ang diuretics kung kailangan.

Mas mabuti pa rin na magkonsulta para makasigurado.

Salamat sa iyong tanong.
Herman Sanchez M.D.
Psychiatrist
--------------------------------------------------------------------------------------------
Medical Care:
Urinary Tract Infection

Question: Princess, (Philippines) Oct.21, 2009


Minsan po sumakit ang ari ko, lalo na pag umihi ako. Nuong nagpa check up ako, sabi ng doc.UTI daw po,,,,Ano po ba ang magandang gamot pra di ko na maramdaman ng ganito......

------------------

Answer:

Dear Princess,

Ang masakit na pag-ihi ay kadalasan talagang dahil sa urinary tract infection. Kung nagpatingin ka na sa doctor, dapat sana ay nabigyan ka na ng antibiotic para sa infection mo. Kung walang nabigay sa iyo na prescription, mahirap na ako ang magprescribe dahil hindi naman ako ang nakonsulta mo at hindi kita na-interview at na-eksamin nang maaayos. Ang mabuti pa ay magpagawa ka ng urinalysis at ipakita ang resulta sa iyong doktor. Kung madalas kang binabalikan ng infection, magpagawa ka na rin ng urine culture and sensitivity para makita kung anong antibiotic ang pinakamainam sa iyo.

Salamat sa iyong tanong.
Priscilla D. Sanchez, M.D.
Medical Coordinator
OFWParaSaPamilya


----------------------------------------------------------------------------------------------
Family Care:
Want to Change How My Body Looks

Question: Brian (Philippines) Oct. 16, 2009


Ang problema ko po kasi ay ang aking dibdib.. lalaki poh ako at gusto ko na piliitin ko to na katulad ng normal na lalaki,. hindi naman sya malaki pero dahil dito ay minsan napagkakamalan nila akong tomboy.. pano ko po malulunasan to?.. i need your answer plss.. :(

-----------

Answer:

Hi Bryan,

Parang me pagka insecure ka sa sarili mo. It may be helpful to work on your self-confidence. Attending workshops that focus on building a positive self-concept or one-on-one therapy sessions with a psychologist may be helpful to you. These will not change the way your chest will look but these will help you feel better about who you are.

Mayroon ring paraang mapalitan ang kalagayan ng dibdib mo. Ang una dito and pag exercise including weight training, parang maging muscular and dibdib mo. Ang ikalawa ay cosmetic surgery, para dito kailangan magpatingin ka at magkonsulta ka sa isang cosmetic surgeon.

Salamat sa iyong tanong,
Regina Diaz Goon
Psychologist
OFWParaSaPamilya
 
Web Design by WebToGo Philippines