Sunday, October 26, 2008

----------------------------------------------------------------------------------------------
Medical Care:

Masakit na Bukol sa Ilalim ng Leeg (Cancer)


Question: Yola (Korea), October 24, 2008

May friend po ako na nagwowork sa Hongkong. Nagkaroon siya ng bukol sa ilalim ng kanyang leeg na lumaki na, at sumasakit daw po. Ayon sa Doctor na tumingin sa kanya, isang cancer daw po yon na ang tawag ay Nasal Parengel circoma, at ngayon po ay binibigyan siya ng Therapy...apektado din daw ang kanyang nose. Hindi ko siya matulungan dahil malayo po siya sa akin, at bihira ko lang siyang nakakausap. Ano po kaya ang sakit na iyon? Salamat po!
------------------
Answer:

Dear Yola,

Ang sakit na iyon ay tinatawag na Nasopharyngeal Carcinoma. Ito ay isang cancer na tumutubo sa bahagi ng lalamunan na malapit sa ilong at sa tinatawag na "auditory tubes" na siyang mga kanal na papunta sa mga tenga. Masmadalas na nakikita ito sa mga taga Asya at Africa, kaya sinasabi na maaring may kinalaman dito ang lahi, mga pagkain, at pati na rin mga mikrobyo tulad ng "virus". Ang mga sintomas nito ay tila hindi masyadong seryoso; maaaring parating sinisipon or kaya'y nagkakaroon ng nose bleeds. Maaari ding nabibingi ng kaunti.

Ang resulta nito ay kadalasan nadadiagnose ito kapag medyo kalat na, katuland ng sa kaibigan mo. Ang bukol na naramdaman niya ay maaaring yung cancer mismo o kaya'y mga kulani sa leeg kung saan na kumalat ang cancer. Mahirap operahan ang cancer na ito dahil sa lokasyon nito, kaya ang lunas ay radiation o kaya chemotherapy. Ang layunin ng mga therapy na ito ay patayin ang cancer at ikontrol ang pagkalat nito. Maganda naman ang survival rate sa nasopharyngeal carcinoma, lalo na dito sa Asya, kung saan malawak ang experience ng mga doktor sa paggamot sa sakit na ito.

Salamat sa iyong tanong.

Priscilla Sanchez, M.D.
Medical Coordinator
For service@ofwparasapamilya.com
----------------

Submit your thoughts and questions on this topic by simply clicking on the word "comments" just below. Ask questions. Click on Magtanong sa Doktor or Magtanong sa Psychologist. Share your thoughts, feelings and experiences. Stay in touch!

Click here to set an appointment with a Filipino doctor in the Philippines using our website.
Click to return to website: www.ofwparasapamilya.com
----------------

Thursday, October 23, 2008

-----------------------------------------------------------------------------------------------
Family Care:

Depressed sa Pagloloko ng Illegal Recruiter


Question: Rosa (Korea), October 21, 2008

Sobra akong depress. Mahirap pala ang maloko ng illegal recruiter. Hirap ako makatulog. Kadalasan kapag nagising ako, di na ako makatulog, pagod ang isip ko sa pagiisip kung paano matatapos ang problema.
---------------
Answer:

Rosalie,

Ang isipan natin ay laging naghahanap ng mga sagot para matulungan tayong matanggap ang mga masasamang pangyayari o karanasan. Kapag tayo ay nagugulat o hindi handa, patuloy ang pagsusuri at pag-iisip natin. Nakakapagod ito dahil wala namang tamang sagot o dahilan para manloko ng kapwa. Madalas ang pagtulog ay naaapektuhan. Nagiging mababaw ito.

Pinakamahalaga na alagaan ang kalusugan. Kasama dito ang tamang pagkain, exercise at pagkakaroon ng sapat na pahinga at pagtulog. Bawasan ang paginom ng kape, tsaa o mga pagkain na mataas ang caffeine. Dapat maging regular ang oras ng paggising at paghiga sa pagtulog.

Magkaroon ng magandang schedule na madaling sundan. Maraming gamot na available na maaaring ireseta ng doktor para sa depression at insomnia. Makakatulong ang magkonsulta habang maaga pa. Nakakatulong ang pakikipag-usap.

Mayroon din akong mga tanong.
--Nais mo bang habulin at kasuhan ang illegal recruiter? Mabuti na mareport ito para hindi na maloko ang ibang Pilipino.
--Ano ang pwede mong trabaho para makapag-ipon muli? Sigurado na magiging mas maingat ka at gagawa ka muli ng mga bagong plano.

Hindi madaling tanggapin ang pagkakamali natin pero laging isipin na kailangang bumangon uli at gamitin ang ating galing at kakayahan.

Salamat sa iyong tanong.

Herman L. Sanchez, M.D.
Psychiatrist
For service@ofwparasapamilya.com
----------------
Editor's Note: Rosa, Mayroong OWWA office sa Seoul, Korea. Ang layunin nito ay matulungan ang mga OFW, lalo na yung mga naloko ng illegal recruiter. Sang-ayon sa website ng OWWA, ang mga Welfare Officers sa Seoul ay sina Elizabeth Marie Estrada at si Esperanza Cobbarubias. Ang Hotline phone number ay +821 010 4573 6290, at yung landline ng embassy ay +822 796 7387. Basahin ulit yung sagot ni Dr. Sanchez sa iyo, isipin mo ang iyong sagot sa kanyang mga tanong, at kung ito ang gusto mong gawin, tawagan mo ang OWWA office sa Seoul, parang matulungan ka nila at maaksyonan mo ang iyong plano.
----------------
Submit your thoughts and questions on this article by simply clicking on the word "comments" just below. Ask questions; share your thoughts, feelings and experiences.

Click here to set an appointment with a Filipino doctor in the Philippines using our website.
Click to return to website: www.ofwparasapamilya.com
----------------

Tuesday, October 21, 2008

------------------------------------------------------------------------------------------------
Medical Care:

Menopause


Question: Gemini (Korea), October 19, 2008

Ako po ay 51 years old na may apat na anak. Lately, ako ay parang laging pagod at may mga galos sa katawan na nangangati. Hindi rin ako nagregla last month. Ano po kaya ang mga sintomas ng menopause?
------------
Answer:

Dear Gemini,

Iba-iba ang dinaranas ng mga babae kapag palapit na ang menopause. Minsan walang nararamdaman, at kung minsan naman ay sobra ang paghihirap, na pati ang pagtulog sa gabi ay naapektuhan.

Iba ang "menopause" sa "perimenopause". Kung nagkaroon ka pa ng regla bago itong nakaraan na buwan, wala ka pa sa menopause, ngunit siguro ay nasa perimenopause ka na. Sa perimenopause, nagiging irregular na ang menstruation, o kaya'y mas mahina na ang pagdugo. Minsan, mas malakas naman ang pagdudugo.

Ang mga sumusunod ay ang pinakamadalas na sintomas ng perimenopause: hot flashes (pakaramdam na mainit na mainit na may kasamang pamumula ng balat), pagiging very emotional, pagkawalang interes sa pakikipagtalik, ang pagiging makalimutin, ang pananakit ng ulo, palpitasyon, at pangangati. Tuloy-tuloy lamang ang mga sintomas na ito hanggang umabot sa menopause. Kapag lumipas ang isang buong taon na walang regla, maaari nang sabihin na menopause ka na talaga.

Ang pangangati ng iyong balat ay maaaring dahil sa perimenopause. Nagiging manipis ang balat kapag palapit na ang menopause. Ngunit kung mayroon kang sugat o galos na hindi nawawala, masmabuti na rin na magpatingin sa doktor para makasigurado na walang ibang sanhi ang mga ito.

Salamat sa iyong tanong.

Priscilla Sanchez, M.D.
Medical Coordinator
For service@ofwparasapamilya.com
--------------
Submit your thoughts and questions on this article by simply clicking on the word "comments" just below. Ask questions; share your thoughts, feelings and experiences.

Click here to set an appointment with a Filipino doctor in the Philippines using our website.
Click to return to website: www.ofwparasapamilya.com
--------------

Saturday, October 18, 2008

----------------------------------------------------------------------------------------------
Family Care:

Savings and Investments...During Uncertain Times

(Mayroon pa bang ibang paraang mag-impok na pwedeng pasukan?)

Question: Amor (Manila), October 1, 2008

Nagbukas kami ng savings account bago umalis ang aking asawa. Mayroon rin kaming binabayaran na "educational plan" para sa dalawa naming anak. OK ba itong mga ginawa namin? Mayroon pa bang ibang mga paraang mag-impok na pwede naming pasukan? Ang aming savings ay dollars.
----------------
Answer:

Dear Amor,

Napaka-OK ang inyong ginawang mag-asawa na magbukas ng savings account bago siya umalis, at siguro naman pinagusapan ninyo kung ano ang budget ng inyong pamilya. Ito ay ang pinag-payo ng Agap Kamay article (click to read Nakapag-iimpok Ba Kayo?). Maganda rin na kumuha kayo ng educational plan para sa inyong dalawang anak.

Sa inyong tanong kung ano pang ibang paraang mag-impok na pwedeng pasukan, as a policy, our website does not endorse any specific product or investment instrument. Gayunman, ang pinaka-importanteng maipayo ay huwag dapat mawala ang perang pinaghirapan ninyong mag-asawa. Siguro nababasa ninyo ang kaguluhan na nangyayari ngayon sa mga bangko at economiya ng kasi buong mundo. Dahil dito, in your savings and investments, you may wish to:
1. Make sure your savings and educational plans are with strong and reputable banks and companies, who will honor their obligations and which have the resources and management to survive a bad world economy.

2. Do NOT invest in anything that you do not understand. Kung dumadami na ang pera, malaki ang temptation na gamitin ito. Huwag mahulog!...lalo na kung hindi ninyo naiintindihan, o may umaalok na sila ang humawak ng pera ninyo.

3. If you are renting and now have enough savings to afford a loan, or to buy, your own house, then this would be good since a house is not just an investment but also a base, a center for your family. But make this a joint decision with your spouse, at siguraduhin na kaya ninyo ang pag-bayad sa bahay. Of course, also choose a reliable developer to buy from. Fortunately, there are several good property developers now in the Philippines.

4. Continue to save a percentage of monthly income that you and your spouse have discussed and agreed to. Make sure you have funds available in case of family emergencies or sickness, or God forbid, na mawalaan trabaho kayong mag-asawa.

5. Keep these savings in US dollars, as you have done. It appears that the US dollar continues to strengthen against other currencies during this time, even if the problems began in the USA. Then, convert to pesos or other currencies what you, your spouse and family need to live on.

We have invited bankers to comment on your question, and will post their reply once we receive them. Congratulations on your good start at savings, first to ensure your children's education, and eventually your family's future.

DIDiaz
Moderator
For service@ofwparasapamilya.com
--------------
Submit your thoughts and questions on this article by simply clicking on the word "comments" just below. Ask questions; share your thoughts, feelings and experiences.

Click to return to website: www.ofwparasapamilya.com
--------------
----------------------------------------------------------------------------------------------
Medical Care:

Diabetes


Question: Lady (Manila), October 16, 2008

Ano po ba ang nagiging symptoms ng mayroong diabetes? Ano po bang mga pagkain ang dapat iwasan? Maari ko po bang malaman kung anong medication ang nararapat? Salamat po
-----------------
Answer:

Dear Lady,

Ang diabetes mellitus ay ang kakulangan ng kakayahan ng katawan na ikontrol ang asukal sa dugo. Ang pangkaraniwan na sintomas ng diabetes mellitus ay ang tinatawag na "3 Ps": Polyuria (ihi ng ihi), Polydipsia (inom ng inom), at Polyphagia (kain ng kain). Ngunit maaari rin na ang pasyente ay naghihina lamang, o kaya'y naduduwal, o nangangayayat---mga sintomas na tinatawag na "non-specific", na hindi tumutukoy sa isang partikular na sakit.

Makasisigurado lamang na ang tao ay may diabetes sa pamamagitan ng pagpapatingin sa doktor at pagsasagawa ng mga blood tests. Ang diyeta ay isang importanteng aspeto ng paggagamot ng diabetes. Kailangan bawasan ang pagkain na matamis, pati na rin mga taba ng hayop. Ang pag-inom ng alak ay isa pang kailangang bawasan o tigilan ng tuluyan.

Maraming gamot para sa diabetes, pero hindi dapat inumin ang mga ito nang walang patnubay o "guidance" ng isang doktor na may kakayahan sa paggamot ng sakit na ito. Importanteng magpatingin agad at magpagamot dahil marami ang maaaring komplikasyon ng diabetes na hindi ginagamot.

Salamat sa iyong tanong.

Priscilla Sanchez, M.D.
Medical Coordinator
For service@ofwparasapamilya.com
------------------------
Click here to set an appointment with a Filipino doctor in the Philippines using our website.
Return to main page: www.ofwparasapamilya.com
------------------------------------------------------------------------------------------------
Medical Care:

Back Pains


Question: Jho (Korea), October 11, 2008

Hello. Isa po akong factory worker dito sa Korea. Lagi kong dinaramdam ang likod ko; ilang beses na rin ako na dumaan sa x-ray at mga gamot. Dahil po dito, napilitan akong umuwi sa Pilipinas kahit malapit nang matapos ang contract ko at sabi ng mga doctor dito na kailangan ko daw ng mahabang pahinga. Pagbalik ko (sa Korea), yung first week ko, ok yung pakiramdam ko, but then now a days balik na naman po sa dati yung nararamdaman ko. Ano kaya ang sakit na ito? Wala po kaya itong kinalaman sa internal organs ko? OK naman ang pag ihi ko kaya lang malimit ako umihi sa araw but sa gabi ok naman po. Sana po ay matulungan ninyo ako sa nararamdaman kong ito. Maraming salamat at mabuhay po kayo.
----------------
Answer:

Dear Jho,

Maraming pwedeng sanhi ng back pain. Habang isang factory worker, siguro ang sakit na nararamdaman mo ay nasa lower back. At kung ang trabaho mo ay kailangan kang magbuhat ng mabibigat na bagay, ito ay siguradong isang sanhi ng pananakit ng likod mo. Sa ganito, ang mga causes ng low-back pain ay: muscle spasm, spondylolisthesis, o disc hernia na naiipit ang sciatic nerve (tinatawag na sciatica). Ang gamutan sa bawat isa nito ay iba-iba pero definitely kailangan i-rest ang likod para maka-recover. Pain relievers and warm compress 15 minutes three times a day kapag bago pa lang ang sakit, physical rehabilitation and strengthening para hindi na umulit, at sa mga malalang kaso, surgery ang makakapag-relieve ng sakit.

Pero kung ang sakit naman ay nasa upper back, mas maraming pwedeng sanhi nito. Bukod sa mga nakalista sa taas, posible din ang lung infection tulad ng TB, o mga tumor.

Para makasigurado, Jho, we recommend na mag-consulta ka sa doctor para ma-examine ka ng maigi.

Kung nandito ka sa Pilipinas at kailangan mo ng referral and consultation service sa isang mabuting doktor, ang aming website ay handang tulungan ka.

Sincerely,
Ramon Diaz Jr.,MD
Medical Coordinator
for service@ofwparasapamilya.com
--------------------------------
Click here to set an appointment with a Filipino doctor in the Philippines using our website.
Return to website: www.ofwparasapamilya.com

Thursday, October 9, 2008

-----------------------------------------------------------------------------------------------
Family Care:

Stages in a Long-Distance Marriage
(Ang Karaniwang Nangyayari Kung Matagal Nawalay Ang Mag-Asawa)


Question: Essa (Bahrain), October 8, 2008

Ano po ba ang psychological effect at karaniwang nangyayari sa mag asawa sa isang OFW na nawawalay ng matagal sa asawa, for example, mga more than 6 years na hindi nakakauwi?
----------------
Answer:

Dear Essa,

“Long distance relationship” ang tawag sa situation ninyong mag-asawa na matagal na hindi nagkikita, in your example, for more than 6 years. May mga emotional stages na dinaraanan ang mag-asawang OFW na nawawalay na matagal. These stages are:

1. Sa una, masaya at excited, sapagka’t ito yung opportunidad na pinaghihintay nilang mag-asawa. This stage lasts until the time of separation.

2. Pagnakaalis na ang OFW, maguumpisa ang pagkalungkot or mild depression. Ito ay mararamdaman ng mag-asawa. Ito ay kailangan alalayan upang hindi lumala at maging tunay na depression. (N.B. Click here to read our Agap Kamay Articles on Loneliness and Depression, and click here on a Q&A on the same matter.)

3. Ang ikatlong stage ay ang tinatawag na “detachment phase”. Dito, parang pinaghahati sa pag-isip ng mag-asawa ang kanilang buhay. Una, yung parte ng kanilang buhay na magkasama silang mag-asawa. At pangalawa, yung buhay ng sila’y hiwalay. Itong stage na ito ay kailangan upang malunasan ang pagkalungkot at magkaroon ng lakas upang ipatuloy ang buhay sa araw araw.

4. Ang pang-apat na stage ay ang “reconnecting phase.” Ito ay nangyayari pag umuuwi ang OFW upang magbakasyon o pagkatapos na nang kontrata, o kung maka-bisita naman yung asawa sa bansa ng trabaho ang OFW.

Para sa mga mag-asawang matagal nang hindi nagkikita, katulad ng example mong 6 years, Essa, ang detachment phase ay maaring maging permanente kung hindi aalalayan ng mag-asawa. The most difficult part of maintaining a long distance relationship is maintaining a feeling of being part of one another’s life. “Intimacy” ang tawag nito. Kasama sa “intimacy” ang makibahagi ng mga nararamdaman, mga problema, mga kinatatakutan atbp. Kasama rin sa “intimacy” ang mag kuwento ng mga pangyayari sa araw araw, mga karaniwang gawain atbp. Mayroon mga paraan na maaring makatulong sa mga mag-asawang OFWs na nasa ganitong kalagayan:

1. Gamitin ang teknolohiya katulad ng internet, upang makapag connect sa asawa at pamilya. Ang Skype o Yahoo Messenger ay mga paraan na napakagaling, sapagka’t hindi lang naririnig ang boses, nguni’t nakikita rin ang mukha at mga expressions habang nag-uusap. At libre pa ang mga ito, kailangan lang ang computer at internet connection, kagaya ng nasa mga internet cafĂ© na nahahanap sa kasi lahat na bansa ngayon. Gawin ito, lingo lingo upang ipaalam ng mag-asawa sa kanyang kapuso ang mga nangyari sa sarili noong linggong iyon.

2. Believe in your marriage and renew the commitment you made to each other. Kailangan isipin uli ang mga dahilan bakit kayo nag-asawa. Kasama na dito yung mga panghihirap na dinaan at mga pangarap na pinag-usapan.

3. Develop and encourage trust in each other. Kasama na rito ang pag-didisiplina sa sarili, ang pagiging matapat sa asawa, at ang pag control din ng “overactive imagination” tungkol sa anong sinabi o ginagawa ng inyong asawa habang na hiwalay kayo.

4. Develop and maintain a sense of humor. The ability to laugh at one another and laugh together is an important ingredient in any marriage.

Itong tanong mo ay importante at isa sa mga pinakamalaking problema ng ating mga OFW at ibang mga Filipino expatriate families. Pag-uusapan muli itong topic na ito sa mga darating na Agap Kamay Articles dito sa website. Abangan!

Regina D. Goon
Psychologist
For service@ofwparasapamilya.com
_______
Submit your thoughts and questions by simply clicking on the word "comments" just below. Ask questions; share your thoughts, feelings and experiences. Click on "Magtanong sa Doktor", or "Magtanong sa Psychologist" or join the e-PinoyTalk forums. Stay in touch!

Hindi ka nagiisa... One. Filipino. Never Alone.
Click to return to main page: www.OFWParaSaPamilya.com
_______
-----------------------------------------------------------------------------------------------
Medical Care:

TB IS an infectious disease!

Question: Kristine (Manila), October 2, 2008

Worried ako sa boyfriend ko dahil may minimal TB siya. Ngayon lang niya nalaman yun. Paano ko ba siya matutulungan? Nakakahawa ba ito?
----------------
Answer:

Dear Kristine,

Ang tuberculosis o TB ay isang "infectious disease". Nakakahawa ito dahil ang sanhi ay isang mikrobyo na tinatawag na Mycobacterium tuberculosis. Naipapasa ito sa mga kasama sa bahay o trabaho sa pamamagitan ng paghinga o paglanghap nito galing sa mga taong may sakit na ito. Ang baga ang pinakamadalas na naapektuhan, pero maaaring kumapit ito sa ibang bahagi ng katawan.

Kung ang "minimal tb" ng boyfriend mo ay nakita sa pamamagitan ng chest x-ray, kailangan niyang magpatingin sa isang internist o spesyalista sa baga (pulmonologist). Mahalaga na maeksamen ang plema niya sa laboratoryo para hanapin ang mikrobyo na nagiging sanhi ng TB. Kapag positive ito, mabuting maumpisahan agad ang paggagamot. Matagal ang gamutan sa TB pero ang mga gamot na ginagamit ay epektibo basta't iniinom ayon sa utos ng doktor.

Makakatulong ka sa kanya sa pamamagitan ng pagpapaalala sa kanya na kailangang inumin ang gamot. Kung parati kayong magkasama, kailangan mo ring magpa chest x-ray para manigurado na wala kang sakit na ito.

Salamat sa iyong tanong.

Priscilla Sanchez, M.D.
Medical Coordinator
For service@ofwparasapamilya.com
_______
Submit your thoughts and questions by simply clicking on the word "comments" just below. Ask questions; share your thoughts, feelings and experiences. Click on "Magtanong sa Doktor", or "Magtanong sa Psychologist" or join the e-PinoyTalk forums. Stay in touch!

Hindi ka nagiisa... One. Filipino. Never Alone.
Click to return to main page: www.OFWParaSaPamilya.com
_______

Saturday, October 4, 2008

------------------------------------------------------------------------------------------------
Family Care:

Renewed Bed-wetting by OFW Child
Left in the Philippines


Question: Mar (Korea), September 23, 2008

I am an english teacher who has just left the Philippines to teach in Korea. I have a daughter who is almost 4 years old. According to my mother, she is bed wetting again. She is already toilet trained and hasn't wet her bed in a long time, but my mother says she's doing this very often now. What can my mother do to stop her from doing this?
-------------
Answer:

Hi Mar,

The first thing I would recommend is to ask your mother to bring your daughter to a pediatrician in order to rule out a physical cause of this problem. If the pediatrician doesn't find anything, then it could be that your child may be bed wetting as a reaction to your absence. She may be feeling anxious and sad but is unable to express these feelings. Your mother can first of all not show annoyance or anger about the bed-wetting. She can help your daughter learn to cope with your absence by encouraging her to talk about how she is feeling, assuring her that feeling sad, anxious and angry that you are not around is ok. For your part, it would be very helpful also if you can skype or talk to her everyday on the telephone, showing her that even if you are far away, you are still part of her everday life. A good time to do this would be before she goes to bed at night.

Your mother can also make sure that she does not drink too much before sleeping. If she drinks milk before going to bed, maybe this can be given to her a bit earlier. Your mother can also make her go to the bathroom before she goes to bed everynight.

Regina D. Goon
Psychologist
for service@ofwparasapamilya.com
_______
Submit your thoughts and questions by simply clicking on the word "comments" just below. Ask questions; share your thoughts, feelings and experiences. Click on "Magtanong sa Doktor", or "Magtanong sa Psychologist" or join the e-PinoyTalk forums. Stay in touch!

Hindi ka nagiisa... One. Filipino. Never Alone.
_______
-----------------------------------------------------------------------------------------------
Family Care:
Loneliness (as discussed in the ePinoy Talk Forum)


In our agap kamay article in the OFW page, we spoke of depression. Many of you may not be experiencing many of the symptoms of depression, but one symptom that may be commonly felt is the feeling of loneliness. Lahat tayo siguro ay nakaramdam na ng kalungkutan.

Psychologists describe loneliness as feelings of discontent marked by a sense of isolation and enstrangement. Para sa inyong mga OFW na hiwalay sa pamilya, kaibigan at lahat ng kinasanayan ninyo, ang kalunkutan ay ang karamdaman parang hindi kayo buo, lagging may kulang, parang nag-iisa, maski na mayroon kayong mga kasama. For the OFW, this feeling of loneliness is something that may be constantly present, being felt more strongly at certain times. The intensity of these feelings may also lessen as you learn to adapt to the situation.

Sa inyong karanasan ano ang pinakamalaking sanhi ng kalungkatan ninyo? Kailan ninyo ito nararamdaman? Ano ang mga ginagawa ninyo na nakakalutas ng kaunti ng inyong kalungkutan?
---------
Comment
from: Mario (Malaysia), September 1, 2008

For me, I feel sad when I go home at night after work. I go home to a small apartment and it's quiet. There's no one there and I don't smell food cooking and don't hear my kids talking or running around. The television is not on and the phone is not being used. That's the time I miss my Misis and my kids the most. You could say that I feel lonely then.
---------
Answer
from: ofwparasapamilya.com

Hi Mario,
What you say is true, most times it is the little things that remind us of what we have left behind, like the noise of our children playing, the smell of our favorite dish cooking. As for you, when you go home at night, at the end of a busy working day, you're tired and then you come home to an empty house, you are more vulnerable to feelings of loneliness. That would be a good time to get in touch with your family. You could set a time maybe twice a week when you talk to them, either by phoning them or skyping with them over the internet.
_______
Submit your thoughts and questions by simply clicking on the word "comments" just below. Ask questions; share your thoughts, feelings and experiences. Click on "Magtanong sa Doktor", or "Magtanong sa Psychologist" or join the e-PinoyTalk forums. Stay in touch!

Hindi ka nagiisa... One. Filipino. Never Alone.
_______


Wednesday, October 1, 2008

----------------------------------------------------------------------------------------------
Medical Care:
Sakit na Namamana sa mga Magulang (Genetic Sicknesses)


Question from: Loyola (Seoul), September 24, 2008

Hello po Dra.
Ask ko lang po kung possible din po bang mamana ng isang anak sa kanyang magulang ang sakit na kanilang dinanas? Kasi po nagwo-worried lang po ako..........thanks po
---------
Answer:

Dear Loyola,
Mahaba ang listahan ng mga sakit na mayroong tinatawag na "genetic component", na namamana ng anak sa kanilang mga magulang. Kasama na dito ang high blood pressure, diabetes, ibang cancer, at mga karamdaman sa isip.

Subalit ang pagkamana ng sakit ay kadalasang naiimpluwensya ng pangaraw-araw na gawaing pambuhay ng tao. Kasama dito ang trabaho, pagkain na pinipili, pageehersisyo, at mga nakasasamang gawain tulad ng paninigarilyo, paglalasing, at paggamit ng droga.

Ang mga sakit na namamana ay maaaring maagapan sa pamamagitan ng pagpapa check-up sa doctor, pananatili ng malinis na kabuhayan, at pagbabawas ng "exposure" sa mga bagay na maaaring makasama sa katawan. Ang ilan sa mga sakit na ito ay mahirap maiwasan ng tuluyan. Mahalaga na obserbahan ng mabuti ang iyong anak at magkaroon ng mabuting relasyon sa kanya upang malaman sa madaling panahon kung may karamdaman siya, maging pangkatawan o sa pag-isip.

Marami nang mga "Wellness Center" sa Maynila na maaaring makatulong sa tinatawag na "early detection" ng mga sakit na ito para maiwasan ang mga komplikasyon.

Priscilla Sanchez, M.D.
Medical Coordinator
For ofwparasapamilya.com

Editor's Note:
One of the hospitals mentioned in our website has an excellent Wellness Center, organized into various sections to serve each member of your family. Please call or email if you would like further information.
_______
Submit your thoughts and questions on this article by simply clicking on the word "comments" just below. Ask questions; share your thoughts, feelings and experiences. Click on "Magtanong sa Doktor", or "Magtanong sa Psychologist" or join the e-PinoyTalk forums. Stay in touch!

Hindi ka nagiisa... One. Filipino. Never Alone.
_______
 
Web Design by WebToGo Philippines